Тұңғыш Президент мерекесі қарсаңында Петропавл қаласында28 қарашадабалалар мен жасөспірімдер облыстық орталығында жастар арасында патриоттық флешмоб ұйымдастырылды. Флешмобтың негізгі мақсаты жастардың арасында туған жеріне, еліне деген сүйіспеншілікті тәрбиелеудегі  еліміздің тұрақтылығы мен дамуына үлкен еңбек сіңірген Тұңғыш Президентіміздің зор еңбегін насихаттау болып табылады.

            Мерекелік іс-шара қонақтарының ішінде ОМО директоры Новик Владимир Францевич және Петропавл қаласының би өнерінің ұстаздары болды. Патриоттық флешмобқа Петропавл қаласынан, сонымен қатар аудан мектептерінен 19 команда қатысты. Жамбыл ауданынан екі мектептің, яғни Преснов жалпы орта білім беру мектебі және И.П.Шухов атындағы Преснов жалпы орта білім беру мектеп-гимназиясының оқушылары  бірігіп, аудан намысын қорғады. Бұл команда құрамына 6,7,10 сынып оқушылары іріктелді. 5-7 минут уақыт аралығында флешмоб билей отырып, Қазақстан Республикасының Тұңғыш Президент күніне арналған болғандықтан, осы мерекеге орай түрлі қанатты сөздерді қолдана білулері тиіс. Аудан намысын қорғауға бел буған біздің командамыз жоғары деңгейде өнер көрсетіп, көптің көңілінен шыға білді.

            Осы облыстық сайысқа аса үлкен жауапкершілікпен Аудан мәдениет үйінің хореографы Чижма Наталья Анатольевна дайындықты бастап кетті. Бұл кісі дайындық барысында музыка жағында, би жағында өзі қолға алды. Өздеріне жүктелген үлкен жауапкершілікті сезінген оқушыларымызда күнделікті дайындық пен қажырлы еңбектің арқасында 19 команданың ішінен 3 орынға ие болды.

           Жамбыл ауданының білім беру мекемесінің тәрбие жұмысы бойынша әдіскері Сыздыкова Жанар Айгожевна, мектеп жетекшілері Л.В. Воропаева мен Ж.И.Есмиева  хореограф Чижма Наталья Анатольевнаға Тұңғыш Президент күні қарсаңында ұйымдастырылыған облыстық патриоттық флешмобқа қатысуға өз тарапынан үлкен  үлес қосқаны үшін алғыс білдіргіміз келеді. Сіздердің үлкен шеберліктеріңіздің арқасында біздің оқушыларымыз осындай жетістікке қол жеткізді. Сіздерге зор денсаулық пен үлкен шығармашылық табыс тілейміз.

И.П.Шухов атындағы Преснов жалпы

орта мектеп-гимназиясының аға жетекшісі

Воропаева Л.В.